मेरी दूधा की भदेली
हे मेरी दूधा की भदेली
खांद म बैठी क्या सोचणी व्हैली!
कु आलु चट यखम खै जालु परली।
हे मेरी दूधा की भदेली
भैर क्या जी देखणी व्हैली!
घुण्डी घुस्ये कु ऐ होलु भितनै देली।
हे मेरी दूधा की भदेली
चुल्लू भितर क्या हेरणी व्हैली!
कु जगाणु होलु आग की झैली।
हे मेरी दूधा की भदेली
इन किलै मड़केणी व्हैली!
कु कनु होलु कंदुड़ पकड़ी करली।
हे मेरी दूधा की भदेली
इन किलै जलकेणी व्हैली!
कैल मारी ढसाक भदेली फरकेलि।
हे मेरी दूधा की भदेली
यी सुड़की कु मरणी व्हैली!
कख बटी ऐ व्हैली यख या बिरली।
अनोप सिंह नेगी(खुदेड़)
9716959339
संदेश
0 टिप्पणियाँ
यदि आप इस पोस्ट के बारे में अधिक जानकारी रखते है या इस पोस्ट में कोई त्रुटि है तो आप हमसे सम्पर्क कर सकते है khudedandikanthi@gmail.com या 8700377026