Tu Sadani Sayani Rain तु सदनी ही सयाणी रै

सभी मायादारों थै समर्पित
~~~~~~
तु सदनी ही सयाणी रै !!
मै तब भी माया लांणू रै !!

तु औरों की बात करणी रै !!
अर मै तेरा गीत गाणु रै !!

तिन समझी घोर लाटू मै !!
समणी ही घात करणी रै!!

त्वे कभी भी ख्वे नि सकदु थै !!
ईले चुप सुरक सब देखणु रै !!

तु फूल बणी भोरों मा !!
जी भरी माया लाणी रै !!

मै जब भी आई पास मा !!
तू छुईई मुईई सी पट लुकणी रै !!

मै जोंन बणी कांठा सी !!
बस रोज त्वेथे देखणु रै !!

तेरी सोच मा झणी कू !!
मै हरपल त्वेथे भजणु रै !!

मै जिंदगी समझी अपड़ी त्वे!!
हर रोज पूजा पूजणु रै !!

तु निकली चतुर घिंदुडी सी !!
सुदी रोज मै थै ठगणी रै !!

भौत ह्वेगी अब भागमभाग !!
बिदा त्वेसी होणू छौ !!

जख भी रै तू राजी रै !!
बस सदनी हैंसणी खेल्दी रै !!


~~~~~
सर्वाधिकार सुरक्षित ~ सुरेन्द्र सेमवाल