Sakshar Bharat साक्षर भारत

साक्षर भारत

सीखी     आखर-आखर
बणोण   भारत   साक्षर
अंगूठू     लाण     छुटलु
केला    सब    हस्ताक्षर
अनपढ़  तें  पढ़ोला  अर
साक्षर  भारत   बणोला।

अब   नी    रेलू     क्वी
भारत      मा    निरक्षर
संकल्प ल्या  साक्षरता
दिवस  क   मोका   पर
अनपढ़ तें  पढ़ोला  अर
साक्षर   भारत  बणोला।

विकास  का  रास्ता मा
समै   की   जु  दुरी   च
ये  वास्ता   हरऐक   तेँ
साक्षर  होण  जरूरी च
अनपढ़ तें   पढ़ोला अर
साक्षर   भारत  बणोला।

ये  जमना  निरक्षर  रेणू
पशु    का   बरोबरि   च
साक्षरता    का    बिगर
जिंदगी  जूण  अधूरी च
अनपढ़ तें  पढ़ोला  अर
साक्षर  भारत  बणोला।

                          विक्रम शाह(विक्की)
                       बजियाल गाँव घनसाली
                              टहरी गढ़वाल
नोट--सर्वाधिकार @ सुरक्षित लेखक  म।