Mait Ki Beti Si Pran मैत की बेटी सी प्राण

मैत की बेटी सी
परांण हुयुं म्यारु
लौंकदी कुयेडी मा
टक गौं लग्युं म्यारु
मैत की बेटी सी
परांण हुयुं म्यारु
ककडी मुगरी बुये
फंची मा बंधणी ह्वेली
दीदी कुन सुसरास लखै
मेकुन जुगै कन धनी ह्वेली
मैत की बेटी सी
परांण हुयुं म्यारु
बाट दिखंणा ह्वैली बुये
धार मा यैकी मेरी
यख बी लोंकी कुयडी
जिकुडी झर्र झुरांणा मेरी
मैत की बेटी सी
परांण हुयुं म्यारु
मांण भरीक घी बुये
मैकुन जुगांणा ह्वैली
कब आल नौकर्या लाटु
सार लगीं ह्वैली
मैत की बेटी सी
परांण हुयुं म्यारु
गाड गदनों क यख बी
हुयुं खुब सुंस्याट
गौं की लगंणी खुद दीदों
अर जिकुडी मा धकध्याट
मैत की बेटी सी
परांण हुयुं म्यारु

सर्वाधिकार सुरक्षित @सुदेश भट्ट "दगड्या" एम ,एस चौहान दगड्या