उत्तराखण्ड स्थापना दिवस

उत्तराखण्ड स्थापित त व्हैगे,
जड़ नि मिली अब तक।
सोलह साल म आठ मुख्यमन्त्री व्हैगी,
राजधानी सुनिश्चित व्है नि अब तक,

पुंगड़ी बंजे गी पहाड़ो मा,
पर चकबन्दी व्है नि अब तक।
पलायन बढ़दी जाणू पहाड़ मा,
रोज़गार व्यवस्था दिखे नि अब तक।

कनकै दे द्यु सोलहवी वर्षगांठ की बधै,
उत्तराखण्ड उत्तराखण्डियुँ कु व्है नि अब तक।
जौका प्रताप उत्तराखण्ड मिली हम थै,
ऊथै न्याय मिली नि अब तक।

एकजुट एकमुट व्हैजा मेरा दगड्यों,
बीस नवम्बर हक़ लेण आवा रामलीला मैदान तक।
धै लगाणु अपणु समाज हम तुम थै,
एकजुट एकमुट व्है जौला जन्म-जन्मों तक।

अनोप सिंह नेगी(खुदेड़)
9716959339