कन काल लगी यी नेता उत्तराखण्ड फर,
घचोलि घचोलि की कैरयाल उतणडण्ड,
कुई इनै बटि कुई उनै बटि घचोलणु च,
आज सैरु उत्तराखण्ड यू नेतौ खुण रुणु च।
घचोलि घचोलि की कैरयाल उतणडण्ड,
कुई इनै बटि कुई उनै बटि घचोलणु च,
आज सैरु उत्तराखण्ड यू नेतौ खुण रुणु च।
कन राऊ लग्या यी नेता उत्तराखण्ड फर,
भैर करो देशी घ्यू अपणो थै खवाणा कल्चुण्ड,
कुई घ्वाड़ो थै त कुई मनिख़्यो थै थुरणु च,
आज सैरु उत्तराखण्ड यू नेतौ खुण रुणु च।
भैर करो देशी घ्यू अपणो थै खवाणा कल्चुण्ड,
कुई घ्वाड़ो थै त कुई मनिख़्यो थै थुरणु च,
आज सैरु उत्तराखण्ड यू नेतौ खुण रुणु च।
कन गुर्राऊ लगी यी नेता उत्तराखण्ड फर,
हुंकार फुंकार ई की कैरयाल चौखण्ड,
जै थै जनै सज आणि च उनै ई रगोड़णु च,
आज सैरु उत्तराखण्ड यू नेतौ खुण रुणु च।
हुंकार फुंकार ई की कैरयाल चौखण्ड,
जै थै जनै सज आणि च उनै ई रगोड़णु च,
आज सैरु उत्तराखण्ड यू नेतौ खुण रुणु च।
कन हंत्या लगी यी नेता उत्तराखण्ड फर,
घर गौ की हालत कैरयाली उजाड़खण्ड,
जै जन सार आणि च उनी सरकुणु च,
आज सैरु उत्तराखण्ड यूं नेतौ खुण रुणु च।
घर गौ की हालत कैरयाली उजाड़खण्ड,
जै जन सार आणि च उनी सरकुणु च,
आज सैरु उत्तराखण्ड यूं नेतौ खुण रुणु च।
कन ग्रहण लगी यी नेता उत्तराखण्ड फर
राजनीतिक माहौल घर-घर बणयु च भैर-भितरखण्ड
युंकी आग म गौ-गौ उत्तराखण्ड कु भलकुणु च
आज सैरु उत्तराखण्ड यूं नेतौ खुण रुणु च।
अनोप सिंह नेगी(खुदेड़)
9716959339
संदेश
0 टिप्पणियाँ
यदि आप इस पोस्ट के बारे में अधिक जानकारी रखते है या इस पोस्ट में कोई त्रुटि है तो आप हमसे सम्पर्क कर सकते है khudedandikanthi@gmail.com या 8700377026