पहाड़ थै शहर बणौला

आवा दगड़यों पहाड़ो थै शहर बणौला
शहरी संस्कृति लेकिन पहाड़ो मा आण नि दयोला
हमारू युवा पलायन न करो कुछ इन करुला
पहाड़ी एक मिशाल बणी जौ काम इन करुला
आवा दगड़यों पहाड़ो थै शहर बणौला
शहरी संस्कृति लेकिन पहाड़ो मा आण नि दयोला

राति की बासी रोटी सुबेर चायी दगड़ी खौला
रुमुक पॉड्या परिवार दगड़ी छुई बात लगौला
एक बार फिर से बग्वाली का रात मा भैला चलौला
खौला मेलो मा गीत झुमैलो बाजु बन्द लगौला
आवा दगड़यों पहाड़ो थै शहर बणौला
शहरी संस्कृति लेकिन पहाड़ो मा आण नि दयोला

एक बार फिर से डाँडीयों मा बखरा चरौला
बांजा पुंगड़ो खैण्डि की फिर से चलदा करुला
चला मेरा दगड़यों पहाड़ बौड़ी जौला
डाली बोटी लगै की पहाड़ थै हैरु भैरू करुला
आवा दगड़यों पहाड़ो थै शहर बणौला
शहरी संस्कृति लेकिन पहाड़ो मा आण नि दयोला

अनोप सिंह नेगी(खुडेड़)
9716959339
facebook.com/khudeddandikanthi
twitter.com/khudeddandikant
youtube.com/खुदेड़डाँडीकाँठी