Top Header Ad

Banner 6

क्या काम की

वा संस्कृति क्या काम की
जो इंसान की काम नि आई सको

संस्कृति बचाण से क्या फ़ायदा जब
इंसान मी बचै नि सकदु

एक भाई रूणु च अर
मी हैसणा की बात करदु

इनी हैंसी कु क्या फ़ायदा
जु कैकि रोयी नि बुथ्याई सको

इन जवानी कु क्या फ़ायदा
बुज़ुर्ग कु बोझ उठै न सको

इन आँखों कु क्या फ़ायदा
जु बाटू कै थै दिखै न सको

इन जुबान कु क्या फ़ायदा
जु कभी कैका वास्ता बोली नि सको

इनी नींद कु क्या फ़ायदा
जु सुपन्या कै थै दिखै न सको

वू कंधो कु क्या फ़ायदा
सहारा कैका जो बणी नि सको

इनी मोरणा कु क्या फ़ायदा
जीवन भर जु कैका काम नि आ सको

इनी संस्कृति थै बचाण से क्या फ़ायदा
इंसान थै जो बचै नि सको

अनोप सिंह नेगी(खुदेड़)
9716959339

फेसबुक       ट्विटर







एक टिप्पणी भेजें

0 टिप्पणियाँ