Nainidanda-Dhumakot Kshetr Pichhne Kilai नैनीडांडा-धुमाकोट क्षेत्र पिछने किलै

शीर्षक च- "नैनीडांडा-धुमाकोट क्षेत्र पिछने किलै,?"

.
क्षेत्र का कदगे गाँवों मा, आज बी नीचा सड़क सुविधा,
अस्पताल मा डॉक्टर नि, मरीजों खण बड़ी अ

सुविधा,
इलाज कु खातिर, रामनगर, काशीपुर, कोटद्वार कु रुख,
जैसे कि गरीब मनखयूं थे, भंडी पैसों की बड़ी दुविधा,
.
क्षेत्र मा नीचा अच्छू इंग्लिश मीडियम स्कूल, चौपट शिक्षा,
पढ़ना कु माँ-पिता दगड शहर जाणा, आयुष, वीर, दीक्षा,
जै कारण से कि लगातार, या क्षेत्र बटै पलायन हून्दू दिदों,
अर नेता हर 5 साल मा मंगणू यख, अपड़ी वोट कु भिक्षा,
.
केवल बुजर्ग लोग छन अब, अपड़ा गों, अपड़ा घार मा,
नौजवान लोग सब्बी परदेश, अपडू पेट, नौकरी सार मा,
कुछ लोग छन क्षेत्र मा, जू मेहनत-मजदूरी करणा छन दिदों,
नैनीडांडा-धुमाकोट थें, अबी तक कुछ नि मिल रोजगार मा,
.
धुमाकोट-नैनीडांडा क्षेत्र मा, क्य ब्वन नेता एक से बढ़कर एक,
पर ईमानदारी से बोलूँ, त क्षेत्र का काम क्वी नि करदू सही, नेक,
हर 5 साल मा अपड़ा वोट कु खातिर, नेता क्षेत्र मा सब दिखेंदी,
हाथ जोडीकी हम काम करला ये क्षेत्र मा, इन भाषण दिंदा फेंक,
.
नैनीडांडा-धुमाकोट क्षेत्र मा असली काम कम अर राजनीति ज्यादा हूणू चा,
तबी लगमा धुमाकोट-नैनीडांडा की आम जनता, काम कु वजह से रुणू चा,
फिर बी हम लोग निकम्मा नेता लोगों थें, वोट कैरी ही दिंदो बल हर बार,
क्षेत्र मा काम निचत, चुनाव का बहिष्कार कैरो, नेता वोट से ही जीणू चा,
.
राजनीति अर राजनीति कु चमचागिरी मा, नैनीडांडा-धुमाकोट क्षेत्र अगने किलै,?
18 साल ह्वेगेनी बल उत्तराखंड राज्य थें बनयूँ, फिर बी नैनीडांडा-धुमाकोट क्षेत्र पिछने किलै,?
.
कवि- सतीश सिंह बिष्ट, "पहाड़ी",
ग्राम-नैखाणा, (नैनीडांडा, धुमाकोट),
जिला- पौड़ी गढ़वाल, उत्तराखंड,