Badri Kedar Express बद्री केदार एक्सप्रेस

सब्यौं कु जीवन मंगलमय हो दगड्यौं आप सब्यौं कु प्यार मिलदु रैया.... जय उत्तराखंड..हैप्पी सावन... 10/07/017

"बद्री केदार एक्सप्रेस" (ऋषिकेष बटै कर्णप्रयाग तक)

पत्यूड़ लेल्यौ, बुखणा लेल्यौ
गैथ गैथ कोदु झंगोरू, धै लगै वैन।
भैजी धारी देवी स्टेशन ऐगी,
डांडी काठ्यौं मा हरच्यूँ, वै परदेशी जगै कैन।
उठ बोड़ी तुमरू गौं ऐगी,फस्वरी सैईं वीं बोड़ी उठै कैन।
छुक छुक छुक छुक, अहा ठंडु मठु ठंडु मठु
ऊंचा निस्सा बाटौं हिटी, हैरी भैरी पाख्यौं रीटी
ऋषिकेश बैटैई ऐ गेई रेलगाड़ी,
"श्री बद्री केदार एक्सप्रेस"

यात्रीगण जरा टक्क लगै सुणा बल, ऋषिकेश बटै कर्णप्रयाग तक जाणी वली गाड़ी नम्बर 09/11/2000, बद्री केदार एक्सप्रेस देहरादूनै प्लेटफार्म नम्बर 17 पर खड़ी हुईं छ।।

चला भै बंदौं पहाड़ चला अब
अब त पहाड़ रै खूब कमाणु लैगे।
डांडी काठ्यौं मा जगौं जगौं, रोजगार सजाणु लैगे।
रूप्यौं ना फूका भैर सुद्धी, देवभूमी मा पैसा लगावा रै,
खैरी ना खावा भैर छुचौं, झट्ट बौड़ी यख ऐ जावा रै।।
निथर ऊँ लुखौंन, रैल अर रैलै पटड़ी बी बेची खै जाण,
अर तुमुन फिर से तन्यै तनि, थुंथुरू पकड़ी खौल्यूँ रै जाण।।

स्वरचित/**सुनील भट्ट**
10/07/2017