खुदेड़ प्राणा
खुदेड़ प्राणा माँ जी
खुदेंदु मुलुक बिराणा।
सोफ़ा मोटा गदीयाला
करीं छन झूठी रड़ि
कभी नी सियेंदु माँ जी
यों मा घड़ी द्वी घड़ी।
हवालात रात आर दीन
मनखी बणियों यख मशीन।
भाई-बिरादरी न रिश्ता नातू
मनख्यात नी च केम
कखि नी दिखेंद माँ जी
पाड़ी मुल्की जनु प्यार प्रेम।
सेर सपाट सेणी धर्ति
गळी गळी मा गुंडा गिर्दि।
मन्खि बणियों मन्खि कु
ळुवै कु प्यासू - तिसाळु
कखि नी दिखेंद माँ जी
सीदु-साधु मन्खि मयाळु।
तन का छीन छाळा
मन का यी काळा।
दिन - रात रोळा - धोळा
मोटर - कारों कु घुंघयाट
कखि नी सुणेन्दु माँ जी
गाढ़ - गदिन्यों सुंस्याट।
वनि सर्ग जयूँ रूड़ियों
पसिन्न सरु गात सड़ियों।
खुदेड़ प्राणा माँ जी
खुदेंदु मुलुक बिराणा।
--विक्रम शाह(विक्की)
खुदेड़ प्राणा माँ जी
खुदेंदु मुलुक बिराणा।
सोफ़ा मोटा गदीयाला
करीं छन झूठी रड़ि
कभी नी सियेंदु माँ जी
यों मा घड़ी द्वी घड़ी।
हवालात रात आर दीन
मनखी बणियों यख मशीन।
भाई-बिरादरी न रिश्ता नातू
मनख्यात नी च केम
कखि नी दिखेंद माँ जी
पाड़ी मुल्की जनु प्यार प्रेम।
सेर सपाट सेणी धर्ति
गळी गळी मा गुंडा गिर्दि।
मन्खि बणियों मन्खि कु
ळुवै कु प्यासू - तिसाळु
कखि नी दिखेंद माँ जी
सीदु-साधु मन्खि मयाळु।
तन का छीन छाळा
मन का यी काळा।
दिन - रात रोळा - धोळा
मोटर - कारों कु घुंघयाट
कखि नी सुणेन्दु माँ जी
गाढ़ - गदिन्यों सुंस्याट।
वनि सर्ग जयूँ रूड़ियों
पसिन्न सरु गात सड़ियों।
खुदेड़ प्राणा माँ जी
खुदेंदु मुलुक बिराणा।
--विक्रम शाह(विक्की)
0 टिप्पणियाँ
यदि आप इस पोस्ट के बारे में अधिक जानकारी रखते है या इस पोस्ट में कोई त्रुटि है तो आप हमसे सम्पर्क कर सकते है khudedandikanthi@gmail.com या 8700377026