कुरच्याट देखी क लगणां यन
दुनिया यै ग्या जन दिल्ली मा
मैट्रो की सौल दुंली आज
मीन भी देख्याल दिल्ली मां
राजीव चौक बिटी
भितरी भितर
कखन कख
पौंछी ग्यो मी दिल्ली मा
कुरच्याट देखी क लगंणा यन
दुनिया यै ग्या जन दिल्ली मा
मैट्रो की भीड मा
सीट मिली
जन संजीवनी बुटी
मिली ग्या दिल्ली मा
अफु चलदी सीढी
रिंग यैगै देखी दिल्ली मा
कुरच्याट देखी लगणा यन
दुनिया यै ग्या......
रात मा भी घाम जन
लग्युं ह्वा यीं दिल्ली मा
कबरी स्यांद हंवाल भग्यान लोग
यी डयबलपमेंट दिल्ली मा
सुबेर बिटी ब्याखन तक
रिटदी रै ग्यों दिल्ली मा
सौल सी कन घिर्यों
भितरी भितर दिल्ली मां
कुरच्याट देखी क लगणा यन
दुनिया यैग्या जन......
लिख्वार@सुदेश भटट(दगडया)
संदेश
0 टिप्पणियाँ
यदि आप इस पोस्ट के बारे में अधिक जानकारी रखते है या इस पोस्ट में कोई त्रुटि है तो आप हमसे सम्पर्क कर सकते है khudedandikanthi@gmail.com या 8700377026