Top Header Ad

Banner 6

मेड इन चाइना

कसम छन भयुं तुम कुणै
यैंसु क साल
बार त्योहारु मा नी खरींदण बरै
मैड ईन चैना कु माल

हमरी खैकी यु
हमतै यी डमणु च
हमर पैसों न बम ग्वाला
पाकिस्तान भिजंणु च

यैंसु की बग्वल्युं मा दीदों
बैर्युं तै जतांण च
उत्तराखंड्युं की ताकत जरा
चैना तै दिखांण च

अपंण देश की दीदों
आन मान की बात च
देश की सेवा कु दीदों
यु बी एक बाटु च

तडी दिखांदु हमतै नरबै
रोज अखबार टीब्युं मा
भीतरी भीतर हम बी सदला
वै यैंसु बग्वाल्युं मा

नागरजा नरसिंग दीदों
भैरों क सौं ल्या
लडी लैट सरा धांणी
चैना कु मिटै द्या

द्वास लगजा यैंसु सबी
चैना कु सामान फर
उत्तराखंड की ताकत जरा
चैना तै दिखांण च

कसम छन भयुं तुमकुन
यैंसु क साल
बार त्योहारु मा नी खरीदंण कथै
मैड ईन चैना कु.....

मैड ईन चाईना का दगड्या द्वारा बहिष्कार पर
@.लेख.. सुदेश भट्ट"दगड्या"

एक टिप्पणी भेजें

0 टिप्पणियाँ