चकबन्दी कु समर्थन जरूरी च
चकबन्दी ही पहाड़ो कु सारू च,
चकबन्दी व्है जाली जू पहाड़ो मा
त इतगा ही हम खुणि खार्यूं च,
उजड़दा यू पहाड़ो थै समलण जरूरी च
इलैयी दगड्यों चकबन्दी कु समर्थन जरुरी च।
एक ही समणी होली जू खेती हमरी
काम काज सौंगु व्है जालु,
जौ पुंगड़ियूँ थै कना कु आलकस च
भोल वू पुंगड़ियूं मा धाण कन मा दिन बितालु,
आज धाण नि कना की मजबूरी च
इलैयी दगड्यों चकबन्दी कु समर्थन जरूरी च।
चमक अब हर पहाड़ी का मुख फर होली
चारो तरफ हरियाली ही हरियाली होली,
उत्तराखण्ड का हर गौ मा जब चकबन्दी होली
यी जिकुड़ी मा तब दगड्यों प्वड़ली सेली,
सुपिना 'गरीब' जी कु पुरू कन जरुरी च
इलैयी दगड्यों चकबन्दी कु समर्थन जरूरी च।
अब न कुई रोक हो अब न कुई टोक हो
हर जिल्ला हर गौं मा चकबंदी की रौनक हो,
तल्या माल्या वल्या पल्या सारी फसल से झकझोर हो
हर उत्तराखण्डी कु खेती ही पैलु शौक हो,
यी पहाड़ की माटी मा हम सब्यु कु बस्यु शरीर च
इलैयी दगड्यों चकबन्दी कु समर्थन जरूरी च।
अनोप सिंह नेगी(खुदेड़)
9716959339
www.khudeddandikanthi.in
www.facebook.com/khudeddandikanthi
www.twitter.com/khudeddandikant
youtube.com/खुदेड़डाँडीकाँठी
संदेश
0 टिप्पणियाँ
यदि आप इस पोस्ट के बारे में अधिक जानकारी रखते है या इस पोस्ट में कोई त्रुटि है तो आप हमसे सम्पर्क कर सकते है khudedandikanthi@gmail.com या 8700377026