विकास या विनाश?

विकास या विनाश?

विकास का नाम फर हुणू पहाड़ कु विनाश 

कटिगेनी मेरी डाँडी सुखीगेनी छोया पंदेरा 

थलिसैण का एक गाँव 

बिसकिगेनी रौला-गदेरा 

आखीर क्याच विकास की परिभाषा?

क्या ई छाई हमरी आशा?

किलै नि लगदु अब वक्त से चौमास? 

कख हरचेनी फ़्योलि अर बुरांस?

कनी हुई च या दौड़?

कटिगेनी पहाड़ बणीगेनी रोड़ 

नि रैगेनी कोदा-झुंगरा की बलड़ी

हरचगेनी अल्लू की हल्लौड़ी 

निपटेगेनि रीति-रिवाज़ 

कखगेनी पुरणा साज़-बाज़?

कै फर कन अब नाज?

कैका मुंड होलू मेरा पहाड़ै संस्कृति कु ताज?

किलै करणा छा मेरा पहाड़ थै बर्बाद?

अनोप सिंह नेगी(अनिल)