कैळ स्वाच छो!
कैळ स्वाच छो एक दिन इन भि आलो ।
कोरोना वायरेस सैरि दुन्या रुवालो ।।
देश विदेश मा खूब फैलि जालो ।
क्या राजा क्या रंक सबतै डरालो ।।
हैंड़ सेक वळों मा यो हाथ ज्वड़ालो ।
गौळा भिटेण मा डाँड़ प्वड़ालो ।।
रखिल्या सफै जो नजीक नि आलो ।
चितळा नि रैल्या अंग्वाल बोटि द्यालो ।।
भितर वळों तैं जरा सि सतालो ।
भैर रिटण मा खिकोड़ि ल्हिजालो ।।
मंदिर मस्जिद सब बंद रालो ।
दफ्तर कारखानों मा लैजालो तालो ।।
इस्कोळ बंद रैळि सड़क भि जाम ।
ल्हैजालू कर्फ्यू ये कोरोना कु नाम ।।
बगता की मार प्वड़ि चा हे राम ।
सुख चैन हर्चि निंद ह्वे हराम ।।
अफ्थैं बचैंया भैर नि जयाँ ।
नथर पर्ल्लोका कु टिगट कटालो ।।
हथ ध्वैकि 'उपिरि' पैरो मुखाळो ।
जो करिल्या लापरवै वो पोट मारि जालो ।।
@😄😇🙏🏻🙏🏻 #जै #जुयाल ✍🏻 #जै #गढ़वाल🙏🏻🙏🏻😇😀.
✍🏻लिख्वार-
©®✍🏻वीरेंद्र जुयाल उपिरि
फरसड़ि पलतीर क्लब
संदेश
0 टिप्पणियाँ
यदि आप इस पोस्ट के बारे में अधिक जानकारी रखते है या इस पोस्ट में कोई त्रुटि है तो आप हमसे सम्पर्क कर सकते है khudedandikanthi@gmail.com या 8700377026