Ban Ar Aag बण अर आग

बण अर आग

मेरा पहाडे डांडी कांठी
दिखैंदि छे, कन हरी-भरी
आग लगौंदा मनख्यूं
यन अन्याय क्यैक करीऽ।

हरी-भरी डाळी छे
ठंडु-ठंडु पाणी छो
बण फुक्येलोत पाणी सूखुलू।

क्या मिलि तौ
 बण जगैक
पाणी हवा सि द्येण
लग्या छा,
गौडी-धौंन काखड, बांदर,
तौंकु घास फल,
खांणा छा,
बण फूकी
सि बिचारा
भूखन फुक्योंणा
तुम क्या पता
सि कनुके रौणा !

आग लगोंदा मनख्यूं
यन किले नि सोची?
प्वथली रिख-बाघ
कतिग्यों कि छे यख आस
तौंकु घौर बण फुक्येलो
त!
हमारे गौं मा त होंण
तौंकु वास।

अम्बिका राणा   कक्षा -9
राउमावि पाला कुराली रूद्रप्रयाग

प्रस्तुति अश्विनी गौड 'दानकोट'  --- अध्यापक विज्ञान राउमावि पाला कुराली जखोली रूद्रप्रयाग ।