रोजगार नि गौ मा


गंगा बिकणी बन्द बोतल मा
ढुंगा कुटेणा रौलो मा
 फिर भी मेरु पहाड़ी बोनु रोजगार नि गौ मा
डाली कटेणी बणो मा
अनाज बिकणु बण्यो मा
फिर भी मेरु पहाड़ी बोनु रोज़गार नि गौ मा

घर डुट्यालो का बस गी हमरा गौं मा
पुंगड़ी कब्ज़े ली डुट्यालो ना
फिर भी मेरु पहाड़ी बोनु रोज़गार नि गौ मा

ज़मीन बिकणी गौ-गौ मा
रिसोर्ट बणणा रौला गदनो मा
फिर भी मेरु पहाड़ी बोनु रोज़गार नि गौ मा


www.khudeddandikanthi.in