गायक: नरेंदर सिंह नेगी
मेरी बेटुली मेरी लाडी लाठ्याली मेरी चखुली मेरी फूलू की डाली
आज स्या देखदा देखदा बिराणी ह्वेगे सैंती पाली
आज स्या देखदा देखदा बिराणी ह्वेगे सैंती पाली
बेटी - बाबा जी यकुली यकुली कन्कोवेकी जौलू
हे माजी बिरणा मुलुक कन्क्वेकी रौलू
पिता - अफु भी रोय मैतियु भी रुलैगे आज छ्क्वेकी
हैसुदू खेलुदू घौर सुन कैगे जिकुड़ीयु दुखैकी
खुद लगली भै भैणियो की मैतियु की रोय ना
उपरी मुलुक उपरी मनख्यु मा धीरज ख्वे न
खूब फल फूली मैतियु न भूली मेरी आंख्यु की उजयाली
बिराणी ह्वेगे सैंती पाली-बिराणी ह्वेगे सैंती पाली
बेटी - बाबा जी हे माजी
पिता - अपड़ू ह्वेकि भी अपुड़ु अपुड़़ू नि यो झन कनु धन चा
याद औंदन तेरा खेल खिलौणा दिन बाला पन का
किल्क्वारी मारी ग्वाया लगाणू याद आणू चा
तुत्लैकी तेरु बोलुणु बच्याणु याद आणू चा
नवाई तपाई ग्व्ल्याई हिटाई जिकुड़ी क काख सिवाली
बिराणी ह्वेगे सैंती पाली-बिराणी ह्वेगे सैंती पाली
बेटी - बाबा जी हे माजी
पिता - मुख न लगी दाना सयोणों का प्रेम से रैयी
भलू बुरु जन होलू भाग मा बेटी चुप सैह लेई
अमर रया तेरु स्वाग सदनी सुखी सन्ति रै तू
द्वि घरु की छै लाज अपडु धर्म निभै तू
खूब फल फूली मैतियु न भूली मेरी आंख्यु की उज्याली
बिराणी ह्वेगे सैंती पाली-बिराणी ह्वेगे सैंती पाली
बेटी - बाबा जी हे माजी
अनोप सिंह नेगी (खुदेड़)
संदेश
0 टिप्पणियाँ
यदि आप इस पोस्ट के बारे में अधिक जानकारी रखते है या इस पोस्ट में कोई त्रुटि है तो आप हमसे सम्पर्क कर सकते है khudedandikanthi@gmail.com या 8700377026