गौंकी सौंधी माटी
मनमा लगीं ठसाक तैरि बिंगी नि पायी।।
परदैश मा समै काट्णों छौं,
उलझन लै मनमा रौंणूं छौं।
बाटा घाटों की औंधार मैं भुलै नि पायी।
मनमा लगीं ठसाक---------
ठंडाई तैं बानि चीज
छन,
ऐसो आराम भी बिंडि छन।
गौळै तीश तैं भलि करि मैं बुझे नि
पायी।
मनमा लगीं ठसाक-------
भाग्णं घूमंण बतेरा पार्क छन,
शरील मसाज बिंडि चीज छन।
ऊकाळ ऊंधार जनि बाटा दैखि नि पायी।
मनमा लगीं ठसाक--------
चौंसा फांणु छक कर बणांई,
कड़ि पकौड़ा बणैं खूब रळाई।
कौंणि छसैंड़ू सपौड़ी स्वाद चाखि नि
पायी।
मनमा लगीं ठसाक---------
गमळौं माटू छकी कर डाळी,
फूल पाती तौंमा
खूब फूळी।
दैखदि रौं पर तौंमा गौंकी खुशबू
नि पायी।
मनमा लगीं ठसाक---------
गर्म ठंडी हवा तैं जुगाड छन,
कखि कूलर पंखा ऐसी छन।
डाळी मूड़ी बैठी बथौं फ्फराट नि दैखि
पायी।
मनमा लगीं ठसाक---------
सुनील सिंधवाल"रोशन"(स्वरचित)
काव्य संग्रह "अपणिं जनिं लग्णिं"
संदेश
0 टिप्पणियाँ
यदि आप इस पोस्ट के बारे में अधिक जानकारी रखते है या इस पोस्ट में कोई त्रुटि है तो आप हमसे सम्पर्क कर सकते है khudedandikanthi@gmail.com या 8700377026