Skip to main content

Posts

Showing posts from March, 2017

आदित्यनाथ

यमकेस्वर कु लाल भैजी
सैरा पाड की शान छै
उत्तराखंड कु ताज भैजी
हम सब्युं क तु मान छैगुठ्यलु बणी आज देश कु
सबसे बडु परदेश मा
उत्तराखंड कु मान बढै
भैजी त्वैन देश बिदेश मापंचुर की डिंड्यली फांग्युं मा
खत्युं च तेरु बालपन
सतेडी गे ह्वैली ढंडी नयांण
चमकोट पाटी बुखल्या हाथपनयुपी कु मुख्यमंत्री
पौडी गडवाल कु लाल छै
पिछड्युं पाड कु हे भैजी
अब सबसे बडु तु सारु छैआंणी जाणी कनी रैयी
भैजी अपंण पाड मा
तिबरी डिंडल्युं कु मान बढै
त्वैन देश बिदेश मायमकेस्वर कु लाल भैजी
सैरा पाड की शान छै
उत्तराखंड कु ताज भैजी
हम सब्युं क तु मान.... @लेख सुदेश भट्ट"दगड्या"

He Mankhi हे मनखी

न फोड़ यूं ढुंगो थैं हे मनखी
यूं थैं बी पीड़ा होंदी त होली
न काट यूं डाल्यो थैं हे मनखी
ज्यूणा की आस यूं थैं बी रैंदी त होली









न उजाड़ यूं पहाड़ो थैं हे मनखी
यूंका उजड़ण से बेघर कुई होंदु त होलू
न कैर बण्यास यूं पहाड़ो कु हे मनखी
कैकी आस यूं पहाड़ो मा भी त होली







न खरसोड़ यूं डाण्ड्यो थैं हे मनखी
जिकुड़ी मा तेरा बी कांडा बिनान्दा त होला
न कच्मोड़ यूं रौल्यु-गदन्यो थैं हे मनखी
यूंका बिशकण से तिसालू कुई रैंदु त होलू







न बिसरौ अपणी संस्कृति थैं हे मनखी
येका हरचण से तेरु कुई अपणु हरचदु त होलु
न लगौ काख अपणी बोली-भाषा थैं हे मनखी
पछ्याण अपणी बी हरचदी त होली





न कैर बांजी पुंगड़ी खौंदार कूड़ी हे मनखी
तेरा पितरों कि आत्मा झुरदी त होली
न छोड़ यूं पहाड़ो थैं छट कैरी हे मनखी
खुदेड़ प्राण तेरु भी खुदेंदु त होलू



अनोप सिंह नेगी "खुदेड़" ************************************ सर्वाधिकार सुरक्षित खुदेड़ डाँडी काँठी