वा त्यार बान (करवाचौथ)

वा त्यार बान दिनभर
भुख तीस बैठीं च
सांकी सुकी ग्या बिचरी क
गली तीसन उबयीं च

     हथ्यूं मां मेहंदी रचैकी
     श्रृंगार खुब कर्युं च
     त्यार बान दादा बौ
    बिगरेली ब्योंली बंणी च

जरा भी फिकर ह्वैली
बगत पर घर यैली
आज किसा मा पव्वा ना दा
कुई नई निशाणी लैली

     वा त्यार बान हे नरबै
    भुख तीसी बैठीं च
    त्वै कन नी फिकर भैजी
   तेरी अपणी महफिल सजयीं च

ठ्यकों मा बैठीक त्यारु
स्वीच भीआफ कर्यूं च
नशा मा चुर भुनी
यांमा कुछ नी धर्युं च

    वा बिचरी त्यार बान
    भैर भितर कनी च
     त्वै कन नी फिकर वा
     जुगली जुनी क कनी च

वा तुमरी बान दिनभर
भुख तीस बैठीं च
      परबात च दीदों
    करवाचौथ कु त्योहार

    लखांणु च सुदेश भट्ट
   तुमकुन पैली यु रैबार
बगत पर घर पौंछी क
अपणी पुजा करै लेन

दोस्तु की महफिल
फिर कभी सजै लेन
वा तुमरी बान दिनभर
भुख तीसी बैठीं

       सर्वाधिकार सुरक्षित@सुदेश भटट(दगडया)
सबी दीदी भूल्युं भै बंधुओं तै करवाचौथ की शुभकामनाओ की दगड यु संदेश