सरदार वल्लभ भाई पटेल

आज त्वै सरा देश
याद करना बौडा
त्वै बिना देश सरा
खुदयांणा च बौडा
   गली मोहलों मा आज तेरी
   जयजयकार बौडा
    अंग्रेजु तै देश बिटी
    तीनी निकाली बौडा
देशभक्ति कु पाठ देश तै
त्वैन सिखाई बौडा
रातों रात अंग्रेजु तै
त्वैन दौडाई बौडा
      आज ह्वैंदी हमर बीच
       बीर भग्यान बौडा
        जुनी पर पौंछी जांद
         देश अपुण बौडा
कन कन पैदा ह्वेन
म्यार देश मा बौडा
त्वै जन लौह पुरुष
कुई नी जन्मी यख बौडा
    आज ह्वैंदा हमर बीच
     तुम जन बीर बौडा
       क्या मजाल दुश्मनु की जु
        आंख घुरांदन बौडा
तेरी एक कडकताल से
अंग्रेज भी डरी गैन बौडा
झ्वाला तुमडी लेकी अपणी
रतों रात चलीगेन बौडा
    लिखंण कुन त दगडया मा
     बहुत कुछ त्वै पर च बौडा
      जतका लेखु उतका कम
       आखर नीछन मीमा बौडा

सर्वाधिकार सुरक्षित@सुदेश भटट(दगडया) की लौह पुरुष सरदार बल्लभ भाई पटेल जी के जन्मोत्सव पर सप्रेम भेंट