Visit Uttarakhand उत्तराखण्ड की सैर

     पहाड़ो म घुमणा कू सबसे ठीक वक्त अगस्त से अक्तूबर का यी तीन मैना छन ट्रेकिंग का बाटू म जू ह्यू पोड्यु रैन्द वो सबी गैल जांद। ये वक्त म बस्गाल म नहे धोये की सारू वातावरण मा चारू तरफ हरियाली-ही-हरियाली छाई रैंद। ऊँचा-ऊँचा पर्वतों आर गैरी घाटियों मा तरह तरह का फूल खिल्याँ रैन्दि।
सच माना त यख बसंत यू मैनों मा आंद।
     ये उत्तराखण्ड मा इन नजाने कद्गा जगा छन। जख की आप अपणा हिसाब से ट्रेकिंग का वास्ता बाटू चुन सकदा। यू मा त कद्गा ही इनि जगा छन जू दस-पंद्रह हज़ार फीट उचैय फर हूणा का बावजूद बी न त इत्गा मुश्किल छन आर न ही इत्गा चुनौती भ्वरया की टैंट या गाइड कु इंतजाम कन पोड़ी जौ। यू बाटू मा बेशक दस-बारह किलोमीटर पैदल चलण पोड़ी जाऊ पर खाणा रैणा की कुई परेशानी नि हुन्द।
     यी जगह छन:-
              केदारनाथ, हेमकुंड साहिब, वैली ऑफ़ फ्लावर, गौमुख, गंगोत्री, तुंगनाथ, चंद्रशिला, रुद्रनाथ, मध्यमहेस्वर, पिंडारी ग्लेशियर, हरकी दून आदि छन। यू मा ज्यादातर धार्मिक स्थल छन। परन्तुतीर्थयात्रा का दगड़ मा यख घूमणा कू बी आप पूरू आनंद उठै सकदा।
     अर यदि आप जरसी हौर साहस बटोली सका त बेदनी बुग्याल अर दियारा बुग्याल जन ट्रैक बी छन जौ खुण तुम मुश्किल अर चुनौती भ्वरया ट्रैक बी बोली सकदा। चुनौती भ्वरया ट्रैकिंग खुण- रूपकुंड,होमकुण्ड, काकभुशुंडी, सतोपंथ, क्वारी, पांस, खतलिंग ग्लेशियर, सहस्त्रताल,मिलम ग्लेशियर आदि छन। यू से ऐथर बी ट्रैक छन जन ट्रेल पास आदि। परन्तु जोखिम उठाण वला मनखी (पर्यटक) ही यख पौछणा कु साहस कैरी सकदा।
      यी जगा जादातर गढ़वाल का चमोली, टिहरी, व उत्तरकाशी जिलों मा छन।यख तक पौछणा खू हरिद्वार-ऋषिकेश बटी बस मील जांदीन। मुख्य सड़क मार्ग बिटि आखिरी सड़क मार्ग तक टैक्सी बी मील जन्दीन। आखिरी मोटर मार्ग का एक-द्वी पड़ाव तक त रिहायशी वातावरण मिली जांद जख की रैणा खाणा की परेशानी नि हूंद।
     परन्तु जनि आठ-दस हज़ार फीट से उबै पौछ्दा ऊनि सबकुछ बदले जांद। तब तुम थै इन लागालू जन की आप कुदरत का करिश्मो का बीचमा व्हेला। यख आपकू साक्षात्कार भोज का डालों(एक प्रकार का वृक्ष), मखमली घास का मैदानू अर ह्यूं से ढकी पहाड़ी से अर भाँती-भाँती का जंगली वनस्पति, फूलो अर ऊँची जगों (स्थान) मा मिलण वाला शांत प्राणियों से होलू। कुदरत का इत्गा नजदीकी दर्शनों से तब तुम मंत्रमुग्ध व्है जैला।

     परन्तु यू हर्ष-उल्लास ऐथरा का पड़ाव थक एक खास रोमांच मा बदले जांद, किलैकी अब आपका ऐथर एक चट्टानी बाटू ऐ जांदू अर ग्लेशियर पार करणा की चुनौती बी। ये वक्त तुम अफ थै तेराह-चौदह हज़ार फीट की उचाई म देखिला, अर मौसम कु मिजाज कू भी कुछ पता नि लगदू। अबी घाम अबी बरखा।इन लगदू जन की कुदरत मजिल तक पौछण माँ परीक्षा लीणी हो। घोर चढ़ाई, घनघोर बादलों अर कुयेड़ा का बीच जन जन आपकू एक-एक कदम आपकी हिम्मत अर सहस का दगड़म उर्जा बडदी रैन्द।जद्गा ऐथर बडदी जैला उत्गा ही  हिमालय का विराट सुंदर व रहस्यमयी दर्शन भी देखणा खुण मिलदी जाला।

     प्रमुख ट्रैक रूट:-
          रूपकुंड:                    
          जिला :                          चमोली
          आखिरी मोटर मार्ग:       मुन्दोली-लोहाजंग
          पैदल बाटू :                    40 किलोमीटर
          उचाई :                          16000 फीट
          विशेषता :                      करीब छह सौ साल पुराणी अस्थ्यू(अस्थियाँ) का आस पास बिखरयां
                                           रहस्यमय कुण्ड, ब्रह्मकमल, सुंदर बेदनी बुग्याल आदि।                                                             
     सतोपंथ         
          जिला :                           चमोली
          आखिरी मोटर मार्ग:       बद्रीनाथ
          पैदल बाटू :                    22 किलोमीटर
          उचाई :                          14400 फीट
          विशेषता :   सुंदर त्रिकोणाकार झील, अलकनंदा कु उद्गम स्थल,वसुधरा फॉल

     सहस्त्रताल 
           जिला :                         टिहरी
          आखिरी मोटर मार्ग:       घुतू
          पैदल बाटू :                    34 किलोमीटर
          उचाई :                          4550 फीट
          विशेषता :हिमशिखरो का बीच मा सुंदर पारदर्शी झील
   
     डोडिताल 
           जिला :                         उत्तरकाशी
          आखिरी मोटर मार्ग:       संगम चट्टी
          पैदल बाटू :                    21 किलोमीटर
          उचाई :                          10000 फीट
          विशेषता : सुंदर सघन डांडा(जंगल), का बीक मा षष्टाकार सरोवर, अर डांडी कांन्ठयु कू विहंगम दृश्य।
 
     केदारताल
          जिला :                          उत्तरकाशी
          आखिरी मोटर मार्ग:       गंगोत्री
          पैदल बाटू :                    18 किलोमीटर
          उचाई :                          5000 फीट
          विशेषता : केदारगंगा कु उद्गम, शिलाओ का मा बीच ताल।

    देवरिया ताल 
          जिला :                           चमोली
          आखिरी मोटर मार्ग:        उखीमठ
          पैदल बाटू :                    5 किलोमीटर
          उचाई :                          8000 फीट
          विशेषता : सुंदर एक किलोमीटर मा फैल्यू गोलाकार ताल अर वैम पोड़दी चौखम्भा हिम शिखरों कू                                                 
                           छैल।


     दियारा बुग्याल
           जिला :                          उत्तरकाशी
          आखिरी मोटर मार्ग:        बरसू
          पैदल बाटू :                    7 किलोमीटर
          उचाई :                          11000 फीट
          विशेषता :  मीलो तक पसरयुं मखमली घासा का दमना स्कीइंग की सबसे अनूठी जगा हिमशिखरो का
                           दर्शन।
   
     केदारकांठा 
           जिला :                          उत्तरकाशी
          आखिरी मोटर मार्ग:       जरमोला
          पैदल बाटू :                    15 किलोमीटर
          उचाई :                          13000 फीट
          विशेषता :  मखमली घास का मैदान का ढलाऊ मैदान पर्वत शिखरों का भव्य दर्शन।


     खतलिंग ग्लेशियर 
           जिला :                          टिहरी
          आखिरी मोटर मार्ग:       घुतू  
          पैदल बाटू :                    47 किलोमीटर
          उचाई :                          3717 फीट
          विशेषता :  बर्फ का रहस्यमय सौन्दर्य से साक्षात्कार, सबसे नजदीक हिमनद, लट्ग्दा ग्लेशियर।
       

     होमकुण्ड 
           जिला :                         चमोली
          आखिरी मोटर मार्ग:       मुन्दोली-लोहाजंग  
          पैदल बाटू :                    55 किलोमीटर
          उचाई :                          4048 फीट
          विशेषता :  नंदाकनी का उद्गम, दिव्य सौन्दर्य, 18 हज़ार फीट पर ज्युरंगली दर्रो थै पार कना कु साहस।


     रुद्रनाथ 
           जिला :                          चमोली
          आखिरी मोटर मार्ग:       सगर  
          पैदल बाटू :                    30 किलोमीटर
          उचाई :                          12000 फीट
          विशेषता :  पञ्च केदार मा चतुर्थ तीर्थ शिव भगवन कु प्राचीन गुफा मंदिर।


     मदमहेश्वर 
           जिला :                          चमोली
          आखिरी मोटर मार्ग:       कालीमठ
          पैदल बाटू :                    22 किलोमीटर
          उचाई :                          11474 फीट
          विशेषता :  सुन्दर डांडी कांठी पञ्च केदार मा एक प्राचीन शैली कू शिव मंदिर।


     तुंगनाथ 
           जिला :                          चमोली
          आखिरी मोटर मार्ग:       चोपता  
          पैदल बाटू :                    3 किलोमीटर
          उचाई :                          12500 फीट
          विशेषता :  पञ्च केदारो मा सबसे उचाई फार च यु स्थान अलौकिक घाटी चंद्रशिला बटी हिमशिखरो का    
                            दर्शन।


     हेमकुण्ड 
           जिला :                          चमोली
          आखिरी मोटर मार्ग:       गोविन्दघाट  
          पैदल बाटू :                    19 किलोमीटर
          उचाई :                          4329 फीट
          विशेषता :  सिखो कू प्रसिद्द तीर्थ लक्ष्मण जी कु मंदिर अर गोलाकार झील।



     फूलों की घाटी 
          जिला :                          चमोली
          आखिरी मोटर मार्ग:      गोविन्दघाट   
          पैदल बाटू :                    17 किलोमीटर
          उचाई :                          3650 फीट
          विशेषता :  विश्व प्रसिद्ध घाटी अपार वानस्पतिक संसार।


     हरकी दून
          जिला :                          उत्तरकाशी
          आखिरी मोटर मार्ग:       सांकरी तालुका  
          पैदल बाटू :                    23 किलोमीटर
          उचाई :                          2415 फीट
          विशेषता :  फूलू अर वनस्पति न लदकद मीलू तक फैलया मखमली विस्तार झरना, ग्लेशियर, हिम
                            शिखर आदि।

अनोप सिंह (खुदेड़)